Bushali mu isoni nyinshi yaciye amarenga y’amanota yagize asoza amashuri yisumbuye

Akenshi usanga abantu batagize amahirwe yo kubona amanota meza, baba bafite isoni zo kuyatangaza, ni ibintu bibaho mu buzima bwa buri muntu, ndetse unasanga bitagomba gutera bamwe isoni.

Bushali umwami wa Kinya-Trap nk’uko yiyita, yatangaje uko byari bimeze ku rupapuro rw’amanota mu kizamini cya reta.

Ubwo yaganiraga na Ally Soudi, ukora ibiganiro biri Live kuri Instagram, yatangajeko ubundi we atigeze agira amahirwe yo kugira amanota meza, yari kumwemerera gukomeza kaminuza ku nguzango( Bursary).

Atangazako ku rupapuro rw’amanota uko yagiye akurikirana yari mu banyuma, aho yabiteyemo urwenya yigereranya n’indirimbo ya Social Mula.

Yagize ati:” ku rupapuro rw’amanota nari hasi hepfo hepfo, nari nka ya ndirimbo ya Social Mula ‘ku ndunduro’ y’urupapuro ‘ewana byari danger’ nari nayabuze pe”

Bushali gusa akomeza atangazako atigeze abona U, iyi ikaba ari inyuguti ubundi yandikwa ku abantu bagize amanota ya nyuma cyane aho mu cyongereza iba ihagariye amagambo ya ntaho wabarijwe( Unclassified).