Buffon akubiswe inshuro ubwo umunyezamu uhenze ku isi atashye i Manchester(inkuru irambuye)

Kuri ubu mugihe isoko ry’igura nigurishwa ku bakinnyi ryatangiye guhwihwiswa ku mugabane w’iburayi, amakipe akomeye nayo akaba yatangiye ibiganiro bikomye ndetse no gushaka kuzana abakinnyi bazitabazwa mu mwaka utaha w’imikino, ikipe ya Manchester City nyuma yo gusinyisha umukinnyi ukomeye Bernardo Silva imuvana muri Monaco kuri Miliyoni 50, kuri ubu amakuru dukesha ikinyamakuru Skysport, aremeza ko iyi kipe yamaze kugura n’umunyezamu wayo wa mbere uje gusimbura Claudio Bravo utarahiriwe no gukina muri iyi kipe.

Umunyezamu w’umunya Brezil Ederson Santana de Moraes ukinira ikipe ya Benfica yo mu gihugu cya Portugali, ku myaka 23 gusa akaba nawe yamaze gusinyira ikipe ya Manchester City ku kayabo ka miliyoni 50 z’amayero nkuko iki kinyamakuru gikomeza kibitangaza. umunyezamu waherukaga kugurwa amafaranga menshi ni Gianlugi Buffon umusaza w’imyaka 39 ukinira ikipe ya Juventus waguzwe Miliyoni 38 z’amayero ubwo yavaga muri Palma yerekeza muri iyi kipe mu mwaka w’ i 2001.