Kubwayo Mc croix
Bruce Melodie yatangaje ko yagerageje gukorana indirimbo na Juliana Kanyomozi, gusa ntibyashobotse ngo bijye kuri Album ye yise “Colorful Generation”. Ibi yabitangaje mu kiganiro yahaye itangazamakuru ku wa Gatatu, tariki 13 Ukuboza 2024.
Yavuze kandi ko adateganya kugura inzu muri Amerika, ariko avuga mu buryo bw’impaka ko Coach Gael, umujyanama we, afite amazu menshi aho yanasabye ko yamugenera imwe mu byo atunze.
Bruce Melodie yagaragaje ko hari kompanyi yo muri Amerika bari gukorana mu kumenyekanisha iyi Album, akaba ari nayo yamufashije mu biganiro yagiranye n’itangazamakuru ryo muri icyo gihugu.
Ku bijyanye n’abahanzi bagenzi be, Bruce Melodie yavuze ko adahatanira kumera nka Yago, ahubwo yibanda ku muziki ugaragaza uwo ari we, kandi akomeje gukora umuziki uzamugeza ku ruhando mpuzamahanga.
Yanakomoje ku bivugwa ko yaba yarakoranye na Sengabo Jean Bosco “Fatakumavuta”, ahakana ibyo byavugwaga anashimangira ko nta na chat bigeze bandikirana.
