Bruce Melodie yaraye asusurukije Abarundi ivumbi riratumuka maze ikiniga kirabafata (Amafoto)

Nyuma yo guhura n’ibizaazana bikamuviramo no gufungwa, Bruce Melody yaraye akoze igitaramo cy’amateka mu gihugu cy’u Burundi nyuma yo guca ishene yari amazemo hafi iminsi ibiri.

Bruce Melodie yafashwe akigera mu Burundi nuko aza kurekurwa habura amasaha make ngo aririmbe ibintu yakoze abantu bakanyurwa n’uburyo yabayaramiye.

Nubwo Bruce Melodie yari afunze kuri Zain Beach ahabereye igitaramo cy’amateka cya Bruce ibikorwa byakomeje bikorwa ndetse na Dj Brianne na Symphony Band baturutse mu Rwanda nabo bahise bahagera.

Bruce Melodie yageze ku rubyiniro mu masaha y’igicuku cyane kubera ibizazane yari yahuye na byo, nubwo yaje atinze abantu ntabwo babaye dore ko mbere y’uko aza bari bari gususurutswa n’abanyarwenya batandukanye ndetse na Dj Brianne ukunzwe n’abatari bake.

Bruce Melodie yageze ku rubyiniro induru ziravuga ari nako yahise abataramira mu buryo bwa Live abifashijwemo na Symphony Band.