HARAGIRIMANA Dieudonne
Ku wa 20 Mata 2023 nibwo Bruce Melodie abinyujije ku rukuta rwe rwa Instagram yatangaje ko yerekeje i Lagos muri Nigeria.
Icyakora nyuma y’amasaha make abitangaje hahise hasohoka andi mafoto agaragaza uyu muhanzi ari kumwe mu ndege n’abakobwa babiri Camille Yvette na Queen Douce bo muri ‘Kigali Boss Babes’.
Nta cyemeza ko bari bahuje urugendo na gahunda cyangwa barahuriye mu ndege bagafata ifoto bisanzwe.
Aba bakobwa ni bamwe muri batandatu bagize itsinda rya ‘Kigali Boss Babes’ rimaze iminsi ribica bigacika ku mbuga nkoranyambaga.
Itsinda ‘Kigali Boss Babes’ rihuriyemo Gashema Sylvie, Queen Douce, Christella, Camille Yvette, Isimbi Model na Alliah Cool.
