Bruce Melodie agiye gufasha Bralirwa mu gusangiza abanyarwanda ibyiza by’ikinyobwa cya Primus

Bralirwa yatangije ubukangurambaga buzamara amezi atandatu bwiswe ’Primus Yacu Iwacu’ mu kwishimira igihe kirekire imaze ari iya mbere mu gukora ibinyobwa bikunzwe dore ko ari na yo yakoze inzoga ya mbere ikorewe mu ruganda mu Rwanda.

Ni ubukangurambaga kandi bugamije kugaragariza abakunzi b’ibinyobwa uru ruganda rukora ko uko ibihe bisimburana uburyohe bwa Primus buguma kuba bwa bundi.

Ubukangurambaga bwa ’Primus Yacu Iwacu’ bukomatanyije ibihe bya mbere by’uru ruganda rugitangira ndetse n’iby’ubu, gusa bigatandukanywa mu mabara.

Ibihe bya kera bigaragazwa n’amashusho yashyizwe mu mukara n’umweru mu gihe iby’ubu biri mu mabara asanzwe ibinyobwa bya Primus bigaragaramo.

Ubu bukangurambaga buzakorwa binyuze mu buryo butandukanye burimo ubutumwa buzanyuzwa kuri za radiyo zitandukanye n’ahandi ndetse n’Umuhanzi Itahiwacu Bruce uzwi nka Bruce Melodie usanzwe amenyekanisha ibicuruzwa by’uru ruganda akazabugiramo uruhare