YegoB
Ikibazo cya Corona Virus gikomeje kugora amakipe menshi ku mugabane w’ iburayi, bityo umukino wari uteganyijwe kuri uyu wa kabiri wa Premier League wari guhuza ikipe ya Manchester United na Brentford umaze gusubikwa kubera Bamwe mu bakinnyi ba Manchester United basanzwemo icyi cyorezo cya COVID-19.
Ku munsi wejo Kuwa mbere nibwo ikipe ya Manchester United yemeje ko abakinnyi bayo benshi Bari gufatwa nicyi cyorezo Kandi bakaba Bari kwandura bikomeye Kandi byihuse.
Ikipe ya Man United yahise ibimenyesha ishyirahamwe rya FA basaba ko basubikirwa umukino, iri shyirahamwe naryo nti ryayigoye kuko ryayihaye uburenganzi bwo kubanza bakita kubuzima kuko aribwo bwingenzi maze umukino ukazaba ikirarane.
Si Manchester United gusa imaze gusubikirwa umukino, ahubwo ikipe ya Tothenham Hotspurs yo kubera icyo kibazo cya Corona Virus yo imaze igihe kinini isubikirwa imikino myinshi.
Umukino uherutse gusubikwa ni umukino Tottenham yari Kwakira ikipe ya Shieffield United gusa kubera ubwiyongere bw’icyi cyorezo kuri Tothenham Hotspurs Stadium uyu mukino nawo urahagarikwa.
Umukino wari guhuza ikipe ya Tothenham na Rennes muri UEFA Conference League nawo warasubitswe bityo bituma utabera igihe gusa ikipe ya Rennes itanga ikirego cyayo, gusa ishyirahamwe rya UEFA ryavugagako rigiye kwiga kuri icyi kibazo kuko Tottenham iramutse irebye nabi yaterwa mpaga y’ibitego 3-0.
Itangazo Ikipe ya Manchester United isohoye rigira riti—“Manchester United iremeza ko umukino wari kuduhuza na Brentford Fc ku kibuga cyayo kuri uyu wa kabiri taliki 14 Ukuboza saa 21:30 pm umaze gusubikwa Kandi uzongera utangarizwe abafana igihe uzongera gukinirwa mu gihe cyanyacyo.”
Nkuko ikinyamakuru The Guardian kibitangaza nuko abakinnyi bakina Premier League n’abandi bayobozi basaga 42 aribo basanzwemo icyorezo cya Corona Virus mu minsi irindwi ubaze ukagera ku cyumweru, bikaba umubare munini uciye agahigo ukaboneka mu cyumweru kimwe kuva ipimwa ryatangira gukorwa, inshuro eshatu ziheruka abasaga 12 nibo Bari baragaragaye mu byumweru bitatu byari bishize.
