Bobi, imbwa ya mbere yari ikuze cyane ku Isi, yatabarutse

Bobi, imbwa ya mbere yari ikuze cyane ku Isi, yatabarutse.

Bobi yafatwaga nk’aho ariyo mbwa ya mbere ikuze ku Isi yapfuye mu mpera z’icyumweru gishize.

Iyi mbwa yakomokaga muri Portugal yari ifite imyaka 31 n’iminsi 165. Muri Gashyantare nibwo ‘Guinness World Records’ yatangaje ko ariyo ikuze cyane kurusha izindi ku Isi.

Ku wa Gatandatu nibwo hamenyekanye iby’urupfu rwayo binyujijwe ku mbuga nkoranyambaga n’umuganga w’amatungo wari usanzwe ayikurikiranira hafi. Icyateye urupfu rwayo nticyigeze gitangazwa.

Leonel Costa wari uyitunze, yavuze ko iyi mbwa yavukiye iwabo mu rugo ahazwi nka Conqueiros mu Majyepfo ya Portugal, afite imyaka umunani y’amavuko.