Aphrodis Nizeyimana
Umukinnyi ukomeye cyane kandi ukiri muto mu myaka Vinicius Jr ukinira ikipe ya Real Madrid yo mu gihugu cya Espane akaba na rutahizamu w’ikipe y’igihugu ya Brazil yashenguwe bikomeye n’irondaruhu yakorewe n’abafana b’ikipe ya Valencia.
Rutahizamu w’ikipe ya Real Madrid Vinicius Jr uri kuyifasha cyane muri iyi minsi yatangaje ko yatewe agahinda nibyo yakorewe n’abafana ubwo ikipe ye ya Real Madrid yatsindwaga 1-0 n’ikipe ya Valencia maze abafana bayo bakamuvugirizaga induru mu buryo bw’irondaruhu.
Vinicius Jr yagize ati :”Ntabwo ari ubwa mbere ibi bibaye kandi si ubwa kabiri ndetse si n’ubwa gatatu ibi bimbaho, irondaruhu rirasanzwe cyane muri La Liga byagera mu mupira w’amaguru bikaba akarusho ndetse bigafatwa nk’ikintu gisanzwe, kandi abakuriye iri shyirahamwe nabo bararigira”.
Aya n’amagambo umukinnyi w’ikipe ya Real Madrid Vinicius Jr yatangaje nyuma yo gukorerwa irondaruhu n’abafana ba Valencia muri Sitade ndetse akaba yaje no guhabwa ikarita y’umutuku muri uyu mukino.
Uyu mukinnyi yasoje avuga ko atazihanganira irondaruhu riba muri shampiyona y’igihugu cya Espane ariyo La Liga kandi ko azakora buri kimwe ngo ari rwanye.
