Bitewe n’uburangare bukomeye bw’ababyeyi umwana w’imyaka 2 yafashe imbunda yirasa mu mutwe ahita apfa

Umwana w’uhungu w’imyaka ibiri yirashe by’impanuka ubwo yasangaga imbunda ntoya yo mu ntoki izwi nka (pistol) mu modoka ya se ubundi agahita yirasa.

Uyu mwana amazina ye yitwa Warren Bennett Oser kugira ngo uyu mwana afate imbunda agere aho yirasa bivugwa ko amakosa ari aya papa we wasize akocinze imbunda ndetse agasiga n’umuryango w’imodoka ufunguye byumvikana ko byoroheye uyu mwana kwinjira mu modoka.

Ibi bikiba uyu mwana yahise ajyanwa ku bitaro biri aho hafi bya Johnson Medical Center Clayton gusa ntibyagize icyo bitanga kuko yari yarangije gupfa.

Aba polisi bo muri Carolina ba babajwe nibyabaye kuri uyu mwana bigizwemo uburangare n’umubyeyi we wasize akocinze imbunda ndetse agasiga afunguye n’umuryango wimodoka aho imbunda yari iri.

Inama yagiriwe aba babyeyi ndetse n’abandi batunze imbunda kandi bakaba bafite abana batoya ni uko ibyo bikoresho bishobora kwambura ubuzima abana babo babibika kure aho abana batagera.