Biravugwa: Werurwe irasiga abakunzi ba ruhago nyarwanda bamenye akazoza ka Carlos Alos Ferrer utoza Amavubi

Carlos Alos Ferrer ni umunya-Espagne w’imyaka 47 y’amavuko akaba ari umutoza w’ikipe y’igihugu y’u Rwanda mu mupira w’amaguru.

Kuva muri Werurwe 2022 nibwo ishyirahamwe ry’umupira w’amaguru mu Rwanda (FERWAFA) ryatangaje ku mugaragaro ko ryasinyishije umugabo w’umunya-Espagne nk’umutoza mushya wa Amavubi asimbuye Mashami Vincent.
Icyo gihe Carlos Alos yasinye amasezerano y’umwaka umwe.
Carlos utaratangiye neza mu munsi ye ya mbere dore ko Amavubi yahise akubitwa na Ethiopia bikayabuza kubona itike y’imikino ya CHAN.

Nyuma y’uko Amavubi abuze itike ya Chan hakurikiyeho gushaka itike y’imikino y’igikombe cya Afurika 2023( AFCON 2023). Amavubi yisanze mu itsinda L Aho amaze gukina imikino ibiri akaba afite inota rimwe kuko yanganyije na Mozambique igitego kimwe kuri kimwe, nyuma atsindwa na Senegal igitego kimwe ku busa.
Gusa ubu amakuru ahari aravuga ko Carlos Alos ashobora guhabwa amasezerano mashya y’imyaka ibiri.