Philcollens
Nyuma y’igihe kinini Umunyamakuru, umu Dj akaba n’umushyushyabirori (MC) Anita Pendo ari mu buryohe bw’urukundo n’umunyezamu w’umupira w’amaguru uzwi nka Ndanda wafatiye amakipe atandukanye mu Rwanda, ubu ufatira AS Kigali biravugwa ko uyu mukobwa yakuriyemo gutwara inda.
Amakuru dukesha ikinyamakuru Ukwezi arahamya ko mu kwezi kwa Mutarama 2017, hari ahantu Anita Pendo yajyanye n’abandi bantu basengana, bajya gusura umwe muri bagenzi babo, nyuma baza no gufata umwanya barasenga, ari naho umuvugabutumwa yaje guhanurira Anita muri urwo ruhame rw’abantu, amumenyesha ko atwite.
Mu kiganiro Anita yagiranye n’ ikinyamakuru Ukwezi.com mu minsi ishize, ntiyahakanye iby’ubwo buhanuzi. Yemeye ko ayo masengesho koko yabayeho ndetse n’umukozi w’Imana akaba yaramuhanuriye, ariko akavuga ko ibyo yahanuriwe byose atari byiza ko yabishyira hanze, kuko bitareba abantu bose.
Kuri st Valentin Anita na Ndanda bakomeje gushimangira urukundo rwabo,
Kuri Ndanda wanifurizaga Anita isabukuru y’amavuko, mu magambo ye yagize ati: “Isabukuru nziza wowe malayika wanjye Anita Pendo. Nkwifurije kandi umunsi mwiza wa St Valentin, Imana ikundindire kandi iguhundagazeho imigisha.”
Anita Pendo na we, mu magambo ye yagize ati: “Mumfashe kwifuriza umwami wanjye, urukundo rw’ubuzima bwanjye, umunsi mwiza wa St Valentin. Mumumbwirire ko mukunda cyane byimbitse.”
