Biratangaje: Umusaza w’imyaka 83 yakoresheje isanduku azashyingurwamo ayibika iwe mu nzu, gusa yavuze impamvu yabyo itangaza benshi

Umusaza w’itwa Ngarambe Straton w’imyaka 83 washakanye na Nezzia Mukaruteranyo bo mu Murenge wa Kagano, Akagari ka Rwesero, Umudugudu wa Mutusa, avuga ko yikoreshereje isanduku azashyingurwamo.

Uyu yavuze ko yabaye mu ngabo za Kayibanda, ngo yarebye kure asanga akwiye kwitegura uburyo azashyingurwamo.

Aganira n’umunyamakuru wa FlashTV/Radio, dukesha iyi nkuru yavuze ko yabikoze ku mugaragaro ntawe yihisha.

Yagize Ati “Ubu narayikoze, iri hano irabitse. Niba barabibabwiye ntibabeshye, nayikoresheje ku mugaragaro, hano haruguru, umwana naranamwishyuye.”

Yirinze kuvuga amafaranga yayikoreshejeho gusa avuga ko uwagenda mbere ye n’umugore we yayishyingurwamo.

Avuga icyabimuteye , yavuze ko “yagendeye kukuba na mbere umusaza witeguraga gupfa yaraguraga ikirago azashyingurwamo, Uyu musaza avuga kandi ko yanakoresheje umusaraba w’icyuma gusa ngo ntarawuzana iwe.