Kubwayo Mc croix
Hashize iminsi umukinnyi wo mu kibuga hagati ukinira Juventus Nicolò Fagioli afatiwe ibihano n’ishyirahamwe ry’umupira w’amaguru mu Butaliyani nyuma yo guhamwa n’ibyaha byo gutega ku makipe ibizwi nka betting gusa iyi kipe asanzwe akinira yanze kumutererana ahubwo irashaka kumwongerera amasezerano.
Nicolò Fagioli ni umutaliyani w’imyaka 22 y’amavuko ukina mu kibuga hagati. Tariki 17 Ukwakira 2023 nibwo uyu mukinnyi yafatiwe ibihano byo kumara amezi 7 adakina nyuma yo guhamwa n’ibyaha byo ku betting. N’ubwo ari mu bihano ariko ngo ikipe ya Juventus irifuza kuba yamwongerera amasezerano azamugeza muri 2028 ndetse ikamwongerera n’umushahara mu gihe yarasigaranye imyaka 3 y’amasezerano.
Ibi byakoze ku mitima ya benshi nyuma yo kubona iyi kipe ya Juventus idashaka gutererana umukinnyi wayo Nicolò Fagioli uri no mu bategerejweho ahazaza heza.
