Birasekeje: Umugore w’imyaka 37 yashyingiranwe n’igipupe kubera impamvu itangaje

Muri Brazil haravugwa inkuru y’umugore wakoze ubukwe n’igipupe yakorewe na mama we umubyara.

Iki gipupe cyiswe Marcelo, cyashyingiranwe n’uyu mugore witwa Meirivone Rocha Moraes uvuga ko yakundanye n’ikipe gipupe ku nshuro ya mbere.

Mama wa Meirivone Roch Moraes yabonye agahinda ku umukobwa we kubera nta mukunzi, maze yigira inama yo kumukorera igipupe bazakundana.

Nyuma yo kubona iki gipupe yakorewe na nyina, Meirivone yaragikunze karahava kugeza nubwo yiyemeje gushyingirana na cyo mu birori byitabiriwe n’abantu barenga 250.

Meirivone w’imyaka 37 avuga ko kubana n’iki gipupe ari agatangaza, gusa ariko ngo kigira isoni ndetse n’ubunebwe.

Kugeza ubu abashyingiranywe bamaranye icyumweru bari mu kwezi kwa buki mu nzu nziza iri ku nyanja I Rio de Janeiro.