Bifashe indi ntera! Abahanzi b’Abarundi bakoze ku nda Juno Kizigenza na Ariel Wayz bari bazi ko bagiye kuyora idorari ry’abanyaburayi

Nyuma y’uko abahanzi Nyarwanda, Ariel Wayz na Juno Kizigenza batangaje ko basubitse ibitaramo bagombaga gukorera i Burayi, icyagombaga kubera i Brussels mu Bubiligi basimbujwe Double Jay na Kirikou.

Mu mpera z’icyumweru gishize nibwo abahanzi Nyarwanda, Juno Kizigenza na Ariel Wayz batangaje ko ibitaramo bizenguruka u Burayi “Home Away From Home Tour” bagombaga gukora guhera muri uku kwezi babyigije inyuma, amatariki mashya bakazayatangaza vuba.

By’umwihariko byari biteganyijwe ko tariki ya 4 Ugushyingo bagombaga gutaramira mu Bubiligi mu Mujyi wa Brussels.

Nyuma yo kutajyayo, iyi tariki ya 4 Ugushyingo abatuye muri uyu Mujyi bakaba bazataramirwa n’abahanzi babiri b’Abarundi, Double Jay ndetse na Kirikou.

Bakaba n’ubundi bazajyayo binyuze muri “Fusion Events” yateguraga ibitaramo bya Juno na Wayz.