Benshi baramuzi ndetse bakunze filime ze, Umugabo w’icyamamare mu mwuga wo gukina Filime arashinjwa gufata ku ngufu abagore barenga 13

Benshi baramuzi ndetse bakunze filime ze, Umugabo w’icyamamare mu mwuga wo gukina Filime arashinjwa gufata ku ngufu abagore barenga 13.

Umugabo w’umufaransa Gérard Xavier Marcel Depardieu wamamaye mu gukina Filime wari ukurikiranyweho ibyaha by’ihohotera rishingiye ku gitsina bikekwa ko yakoze mu 2018, arashinjwa gusambanya abagore 13 nk’uko bigaragara muri raporo y’iperereza yashyizwe ahagaragara.

Ibi ni ibirego byazamuwe n’abakinnyi ba filime, abakora mu by’ubwiza n’abatunganya filime bavuga ko bimwe muri ibi byaha yabikoze mu gihe cyo gufata amashusho ya filime 11 zasohotse hagati ya 2004 na 2022, harimo iyitwa Marseille Series.

Batatu muri abo bagore bamaze gutanga ibirego, bavuga ko bamwe muri bo batinya kugana ubutabera kubera izina Gérard Depardieu afite muri sinema yo mu Bufaransa.

Si ubwa mbere ibi birego bitanzwe kuri Gérard Depardieu, dore ko mu 2018 Charlotte Arnould yamujyanye mu nkiko amushinja kumufata ku ngufu inshuro ebyiri, ubwo bari mu rugo rwe i Paris.

Muri Gicurasi 2021 Gérard Depardieu yasabye ko ibi ibirego bikurwaho kuko bidafite ishingiro, gusa icyifuzo cye cyateshejwe agaciro muri Werurwe 2022 n’Urukiko rw’Ubujurire rwa Paris, ubu iperereza riracyakomeje.