Ben Moussa utoza APR FC yasubije abavuga ko iyo kipe ihabwa amanota n’andi makipe ngo izatware igikombe

Ben Moussa, utoza ikipe ya APR FC yasubije ubavuga ko iyo kipe atoza ihabwa amanota n’andi makipe ngo izatware igikombe cya shampiyona.

Ku munsi wejo hashize nibwo ikipe ya APR FC yari yakiriye Bugesera Football Club, kuri sitade ya Bugesera,hari mu mukino w’umunsi wa 25 wa shampiyona y’ikiciro cya mbere.

APR FC yitwaye neza muri uwo mukino kuko yavuye inyuma itsinda Bugesera, ku kinyuranyo cy’ibitego bibiri kuri kimwe. Kuko APR FC yatsindiwe na Anicet ku munota wa 69 na Placide kuwa 90 , mu gihe Bugesera yari yatsindiwe na Derrick kuwa 37.

Umukino urangiye itangazamamukuru ryegereye Ben Moussa utoza APR bamubaza ku bivugwa ko APR FC yaba isigaye igura amanota n’andi makipe kugira ngo izatware igikombe.
Ben Moussa ibyo yarabihakanye maze avuga ko kuri we atajya ategereza impano z’andi makipe.
Ben ati: “Nkina umupira nk’umukino Sintekereza impano iyo ari yo yose”.