Ben Moussa utoza APR FC yanenze cyane umukinnyi w’iyi kipe amushinja kugira uruhare ku kutitwara neza imbere ya Gasogi United

Umutoza w’ikipe ya APR FC, Ben Moussa wababajwe cyane no kutitwara neza kw’iyi kipe mu gihe yari iri guhatanira igikombe na Kiyovu Sports ntiyumva ukuntu yabuze amanota 3 kubera ba rutahizamu be.

Ku munsi wo kuwa gatandatu tariki ya 15 mata 2023, ikipe ya APR FC yakiriye ikipe ya Gasogi United kuri Sitade ya Bugesera umukino urangira ikipe zombi zinganyije ubusa ku busa kandi APR FC irimo gushaka igikombe mu buryo bukomeye cyane.

Muri uyu mukino amakipe yombi wabonaga yari akwiriye intsinzi ukurikije amahirwe menshi yagendaga ahusha ndetse abazamu barimo Gael ufatira Gasogi United hamwe na Pierre ufatira APR FC ntawatinya kuvuga ko bagize uruhare rukomeye ku kugirango izi kipe zigabane aya manota.

Nyuma y’uyu mukino umutoza wa APR FC yatangaje ko abasifuzi barimo nsoro ndetse n’abandi basifuye uyu mukino bamwibye cyane, avuga ko badashaka ko APR FC itwara igikombe cya Shampiyona uyu mwaka.

Abakunzi ba APR FC banenze cyane rutahizamu w’ikipe ya APR FC Nshuti Innocent, bibaza impamvu agikina muri iyi kipe kandi ntakintu ajya ayifasha mu kibuga. Ibi byaje no kugarukwaho cyane n’umutoza Ben Moussa kuko nk’umukinnyi utaha izamu akaba mu kibuga ntakintu gikomeye yateje ku ikipe bahanganye ubona ko ntakintu ayifasha gikomeye.

Ntabwo wamenye ikintu uyu mukinnyi afasha ikipe ya APR FC kuko mu kibuga ubona ko nta bufasha mu kibuga bukomeye atanga gusa wasanga afasha abandi bakinnyi batandukanye mu kubaganiriza mu buryo bumwe cyangwa ubundi, ugasanga ari cyo gutuma aguma muri iyi kipe y’ingabo z’igihugu.