THIERRY Mugiraneza
Mu mpera z’icyumweru dusoje kuva kuwa Gatanu kugeza ku Cyumweru hakinwaga imikino y’umunsi wa 19 ya shampiyona y’ikiciro cya mbere mu Rwanda. Wari umunsi waranzwe n’ibintu bitandukanye higanjemo umukino w’ishiraniro ( Derby) y’ u Rwanda hagati ya APR na Rayon Sports. Ni umunsi kandi abasifuzi bongeye kwikomwa mu misifurire yabo.
Muri iyi nkuru tugiye kugaruka k’ubihe by’ingenzi byaranze umunsi wa 19:
Umunsi wa 19 watangiye gukinwa kuwa Gatanu hakinwa imikino ibiri:
Gasogi United yanganyije na Rutsiro FC ibitego bibiri kuri bibiri. Gusa muri uyu mukino KNC yikomye bikomeye umusifuzi Rulisa, KNC avuga ko ngo ikarita yahawe na FIFa ayisize amatotora. Ibitego bya Gasogi byatsinzwe na Ndjoumekou ndetse na Niyonkuru Danny
,Mu gihe Rutsiro Football club yatsindiwe na Watanga na Matata Gakuru.
Undi mukino wabaye kuwa Gatanu
Kiyovu Sports yatsinze Rwamagana ibitego bibiri kuri kimwe.
Umunsi wa 19 wakomeje gukinwa kuwa Gatandatu hakinwa iyi mikino:
Police FC yatsinze Mukura VS ibitego bibiri ku busa. Ibitego bya Police Football Club byatsinzwe na Ntwali Evode na Nsabimana Zidane.
Sunrise yasanzwe i Gorogota itsindwa na Marines ibitego bibiri kuri kimwe. Sunrise Football Club yatsindiwe na Yafesi Mubiru mu gihe Marines yatsindiwe na Ndikumana na Thaiba.
Etincelles yatsinze Espoir Football Club ibitego bibiri ku busa.
AS Kigali itsinda Gorilla Football Club igutego kimwe ku busa cyatsinzwe na Sefu.
Ku Cyumweru hakinwe imikino ibiri, aharimo n’umukino uba wahagurukije abantu b’imihanda yose.
Saa Kenda kuri sitade mpuzamahanga ya Huye habereye mukino wahuje APR FC na Rayon Sports. Maze Rayon Sports imbere y’abafana buzuye sitade itsinda APR FC igitego kimwe cyatsinzwe na Ngendahimana Eric ku munota wa 32. Rayon Sports iba ikuyeho umuvumo wo kumara imyaka ine itazi uko gutsinda APR bimera.
Ku cyumweru kandi Bugesera Football Club yanganyije na Musanze igitego kimwe kuri kimwe.
Ibitego 18 nibyo byatsinzwe ku munsi wa 19 wa shampiyona.
Hari itandukaniro ry’amanota 4 hagati ya APR FC ya mbere na Etincelles ya 6.
Imwe mu mikino izakinwa ku munsi wa 20:to be
AS Kigali v Sunrise
Gasogi v Rayon Sports
Kiyovu Sports v Marines
APR v Etincelles
Kiyovu Sports v Marines.
