Ati tugiye kubakoma: Element na Bruce Melodie bagiye gukora amateka

Umuhanzi Bruce Melodie na producer Element baheruka vuba mu gihugu cya Tanzania aho bari bagiye gukorana indirimbo n’umuhanzi ukunzwe cyane uzwi ku izana rya Harmonize bakaba bari bagiye gukora indirimbo ishobora gutitiza Afurika.

Mu magambo ya Element uririmba ndetse akaba umuhanga mu gutunganya imiziki abinyujije kuri Instagram yagize ati:” Soon tugiye kubakoma”.

Aya magambo yashimangiwe n’umuhanzi Harmonize ubwo hagaragaraga amashusho yivugira ko vuba cyane bagiye gusohora indirimbo isubiyemo ya Element yise Kashe yakuzwe na benshi mu Rwanda ndetse no hanze y’igihugu.

Biravugwa ko aba bahanzi bafite imishinga myinshi itandukanye bakoreye mu gihugu cya Tanzania bakaba bagiye guhera kuri iyi ndirimbo ya Element.