HARAGIRIMANA Dieudonne
Ikipe ya As Kigali yatangaje ibiciro byo kwinjira ku mukino uzayihuza na Rayon Sports, benshi bishimira uburyo yabyoroheje.
Kuri iki cyumweru tariki ya 12 werurwe 2023, ikipe ya Rayon Sports irasura ikipe ya AS Kigali mu mukino uzaba utoroshye ku mande zombi bitewe nicyo buri umwe uzaba urwanira.
Nyuma y’ibimaze icyumweru cyose bivugwa, hari hategerejwe ibiciro byo kwinjira kuri uyu mukino ikipe ya Rayon Sports ishaka gutsinda kugirango ikomeze guhatana ku gikombe, AS Kigali yo ishaka kwisubiza icyubahiro nyuma yo gutsinda umukino umwe muri 5 iheruka.
Ntawatinya kuvuga ko AS Kigali yadabagije abakunzi b’umupira w’amaguru hano mu Rwanda ukurikije ibiciro yashyizeho dore ko bizaba ari ibihumbi 3 ahasanzwe hose, ibihumbi 5 ahatwikiriye ndetse n’ibihumbi 15 muri VIP.
