HARAGIRIMANA Dieudonne
Nyuma y’iminsi igera kuri 5 bivugwa ko ikipe ya AS Kigali irimo gushaka kugura Ismael Molo, yahakanye ku mugaragaro ko itigeze ishaka uyu mukinnyi w’ikipe ya Etincelles FC.
Mu mukino wahuje ikipe ya Rayon Sports n’ikipe ya Etincelles FC, warebwe n’abantu benshi batandukanye barimo abayobozi ba APR FC ndetse n’umuvugizi w’ikipe ya AS Kigali, Uyu muyobozi muri AS Kigali yarebye uyu mukino nyuma yawo yahise ajya kuvugana n’ubuyobozi bwa Etincelles FC kuri Ismael Moro ariko iz’ikipe ntizumvikana byihuse.
Nyuma yaho twaje kumenya ko ikipe ya AS Kigali yaciwe Milliyoni 20 ariko iyi kipe ibona ari amafaranga menshi itapfa gutanga kuri uyu mukinnyi. Ku munsi w’ejo ubwo Flash FM bavuganaga n’abamwe muri aba bayobozi ba AS Kigali banyomoje aya makuru avuga ko barimo gushaka uyu mukinnyi kandi ko batigeze bavugana n’ikipe ya Etincelles FC.
Ibi AS Kigali yavuze byatumye ikipe ya Rayon Sports yidedembya ku gushaka uyu rutahizamu uri mubafite ibitego byinshi uyu mwaka, bitewe nuko bamushakaga ari benshi ariko AS Kigali yatumye ikipe ya Rayon Sports ikomeza kuvugana na Etincelles FC ntayindi kipe irimo kwikanga.
Rayon Sports ishaka uyu mukinnyi w’ikipe ya Etincelles FC, araza akurikira Hertier Luvumbu bivugwa ko kuri uyu wa gatatu agomba kurara I Kigali avuye muri DRC aje kumvikana na Rayon Sports agahita ashyira umukono ku masezerano nyuma yo kumvikana.
