Mucyo Patience
Umutoza wumunya Esipanye Mikel Arteta, kuri uyu wa Kane tariki 20 Nyakanga 2023, mu kiganiro yagiranye n`abanyamakuru, yatangaje ko yatunguwe ndetse ashimishwa n`imikinire ya Declan Rice, baherutse kugura mu ikipe ya West Ham.
Mu kiganiro umutoza wa Arsenal amaze kugirana n`itangazamakuru, kuri uyu wa Kane yatangaje ko yatangajwe ndetse atungurwa, n`ubuhanga bw`umukinnyi mpuzamahanga w`umwongereza Declan Rice, baherutse kugura akavagari k`amafaranga arenga miliyari 105 z`amafaranga y`amanyarwanda, bamuvanye mu ikipe ya West Ham imenyerewe ku gatazirano ka The Hammers.
Muri iki kiganiro uyu munya Esipanye Mikel Arteta, yavuze ko yanyuzwe kandi yishimiye n`imikinire ya Declan Rice, ndetse ko abona ari umukinnyi uzabafasha byinshi, haba mu mikino ya shampiyona y`abongereza cyangwa mu mikino ya Uefa Champions League, bazitabira muri uyu mwaka w`imikino 2023-2024.
Declan Rice yinjiye mu kibuga asimbuye ku munota wa 65, mu ijoro ryakeye mu mukino wahuzaga ikipe ya Arsenal, ndetse n`ikipe yari igizwe nabakinnyi batoranijwe, bakina muri shampiyona ya reta zunze ubumwe za Amerika, isanzwe izwi nka Major League Soccer, aho umukino warangiye Arsenal, itsinze umukino ibitego 5 iyi kipe y`intoranwa inanirwa kureba mu izamu rya Arsenal itaha amaramasa.
Ibitego bya Arsenal byatsinzwe na Gabriel Jesus, Leandro Trossard, Jorginho,Gabriel Martinelli ndetse na Kai Havertz watsindaga igitego cye cya mbere mu ikipe ya Arsenal, nyuma yo kuva muri Chelsea. Twabibutsa ko Declan Rice yageze muri Arsenal mu cyumweru gishize, aguzwe miliyoni 105 z`amayero, avuye mu ikipe ya Westham akaba ariwe mukinnyi Arsenali iguze amafaranga menshi mumateka yayo.
Yanditswe na MUCYO CYIZERE PATIENCE PATTO
