THIERRY Mugiraneza
Amakipe abiri akina shampiyona y’ikiciro cya mbere mu Bwongereza Premier League ariyo Chelsea na Arsenal akomeje kugorwa n’amakipe ya Benifica ku ruhande rwa Chelsea ndetse na Brighton ku ruhande rwa Arsenal.
Muri iyi minsi ntiwavuga isoko ry’igura n’igurisha ry’abakinnyi ku mugabane w’Iburayi ngo haburemo inkuru z’amakipe abiri y’i London ariyo Arsenal na Chelsea.
Arsenal nyuma yo kugura Leandro Trossard umukuye muri Brighton & Hove Albion yongeye gysubirayo ishaka Moises Caicedo ariko iyi kipe irimo iragorwa cyane n’umurengera w’amafaranga bari kuyica. Amakuru dukesha umunyamakuru Fabrizio Romano aravuga ko ikipe ya Brighton yanze amafaranga agera kuri miliyoni 70 z’amayero Arsenal yazanye. Fabrizio Romano akomeza yandika ko ko perezida wa Brighton we yifuza agera kuri miliyoni 80 z’amayero muri Caicedo. Caicedo w’imyaka 21 akaba ari umusore wageze muri Brighton mu mwaka wa 2020 akina mu kibuga hagati ariko ntahite atangira gukoreshwa kuko kuva muri 2021 amaze gukinira ikipe ya Brighton imikino 31 agatsinda ibitego 2.
Ku rundi ruhande mu baturanyi ba Arsenal i London, ikipe ya Chelsea hamwe n’umuherwe wayo Toddy Bohel ngo Barashaka Enzo Fernández umukinnyi ukinira ikipe ya Benifica mu gihugu cya Portugal. Ibitangazamakuru byo ku mugabane w’Iburayi birandika ko Chelsea yatanze miliyoni 120 z’amayero muri Benifica ariko ngo Benifica ikazitera umugongo kuko ngo bifuza miliyoni 150 z’amayero ukaza ukajyana Enzo.
Enzo Fernández uyu musore w’imyaka 22 y’amavuko ukomoka muri Argentina akaba yaragize imikino y’igikombe cy’isi myiza kuko yabaye umukinnyi muto w’irushanwa bikaba ari na byo byatumbagije agaciro ke ku isoko kuko nta kuntu umuntu umaze gukina imikino 29 gusa muri Benifica yatangwaho arenga miliyoni 120 n’ayo akangwa.
