HARAGIRIMANA Dieudonne
Abahanzi Juno Kizigenza na Ariel Ways berekanye ibyishimo bafite, nyuma yo kumenya ko bagiye gususurutsa abantu mu mikino ya Afro Basket 2021 igeze muri kimwe cya Kabiri.
Mu mashusho bashyize hanze aba bahanzi bombi bavuzwe mu rukundo ariko bikarangira babihakanye bagashimangira ko ari inshuti zisanzwe, bagaragaje ko bishimiye kuba bagiye guhurira ku rubyiniro bakaririmbira abantu indirimbo bahuriyemo “Away” ku nshuro ya mbere imbere y’abantu benshi.
Muri aya mashusho usibye kurarikira abakunzi babo kuza gutaramana nabo bagaragaje ibyishimo bidasanzwe byo kuba bagiye guhurira ku rubyiniro bakaririmba “Away” ku nshuro ya mbere, imbere y’abakunzi babo. Hari aho Ariel Ways yagize ati: “Yeyeye tuze guhura”.
Mugenzi we Juno Kizigenza yabanje kugaragaza ko bidasanzwe kuba bagiye kuririmba muri iyi mikino igeze muri kimwe cya Kabiri nyuma y’aho agaragaza ko ashimishijwe no kuba bari buririmbire abakunzi babo “Away” ku nshuro ya mbere ati: “Dupefominge Away ku nshuro ya mbere imbere ya abantu”.
https://www.instagram.com/p/CTZETCjo4Xh/?utm_medium=copy_link
