APR FC yitwaye neza imbere ya AS Kigali bituma ikomeza kotsa igitutu Rayon Sports bahanganiye igikombe cya shampiyona

Mu mukino w’umunsi wa 17 wa shampiyona, byasabye umunota wa kane muri itanu y’inyongera kugira ngo APR FC ibone igitego cy’intsinzi mu mukino wayihuzaga na AS Kigali urangiye ari 2-1.

Ikipe y’Ingabo z’Igihugu igize amanota 37 ku mwanya wa kabiri, irushwa amanota atatu na Rayon Sports ya mbere nyuma y’imikino 17 imaze gukinwa. AS Kigali igumanye amanota 29 ku mwanya wa kane.

Mu yindi mikino yabaye, Police FC yanyagiye Marine FC ibitego 4-0 naho Gorilla FC ya gatatu itsinda Musanze FC igitego 1-0.