Apr Fc yamaze kwirukana wa mukinnyi wayo wigeze kuburirwa irengero

Ikipe ya APR FC yamaze gusezerera uwari kapiteni wayo kubera kudatanga umusaruro bari bamwitezeho muri iyi kipe.

Hashize igihe bivugwa ko iyi kipe izatandukana na Tuyisenge Jacques kubera kutumvikana n’umutoza Adil Errad Mohamed utoza iyi kipe.

Kuri ubu amakuru agezweho ni uko Tuyisenge Jacques yamaze guhabwa ibaruwa imwemerera kwishakira indi kipe.

Ahanini icyatumye Tuyisenge Jacques asezererwa ni ukubera kwivumbura yagaragaje muri shampiyona hagati, aho yaburiwe irengero mu myitozo iyi kipe yakoraga.

Tuyisenge Jacques w’imyaka 31 y’amavuko biravugwa ko ashobora kugurwa n’amakipe yo hanze, ku isonga hari ikipe yakoreyemo amateka ari yo Gor Mahia FC yo muri Kenya.