Antony yananiwe gusohoza isezerano yahaye Casemiro

Mu ijoro ryo kuri iki cyumweru tariki 12 Werurwe 2023 nibwo ikipe ya Manchester United yahuye n’ikipe ya Southampton , umukino waje kurangira ari ubusa ku busa ,ndetse unagaragaramo ikarita y’umutuku yahawe Casemiro .

Ikinyamakuru Sport Bible dukesha iy’inkuru kivuga ko ku munota wa 34 ubwo Casemiro yari amaze guhabwa ikarita , mugenzi we Antony yamuhaye isezerano amureba mu maso kandi amufashe ku ruturugu amubwira ko  aribuze gutsinda umukino ku bwe akamuhoza amarira.

Iri sezerano Antony yarihaye Casemiro mbere y’uko ava mu kibuga akerekeza mu rwambariro ,icyakora uyu musore w’imyaka 23 wagerageje uburyo bwo gutsinda inshuro 2 zose bikanga umukino waje kurangira amakipe yombi anganya ubusa ku busa ananirwa gusohoza isezerano yahaye Casemiro gutyo..

Manchester United iri ku mwanya wa 3 n’amanota 50 , mu gihe Arsenal ariyo iri ku mwanya wa mbere n’amanota  66 , naho Man City ikaba ku mwanya wa 2 n’amanota 61.