Amezi 7 avuyemo? Amakuru mashya kuri wa muhanzi byavuzwe ko yatandukanye na Kina Music

Mu minsi yashize nibwo hasakaye amakuru ko umuhanzi akaba n’umucuranzi, Igor Mabano yatandukanye na Kina Music.

Ni amakuru impande zombi zitashatse kugira icyo zivugaho aho ari Igor Mabano yabihakanye yivuye inyuma.

Si Igor wabihakanye, dore ko na Clement Ishimwe washinze Kina Music yanze gutanga amakuru ubwo yaganiraga na RadioTV 10.

Kuri ubu amakuru yasohotse ni uko Igor amaze amezi arindwi atandukanye na Kina Music yamufashaka mu bikorwa bya muzika.

Nk’uko byatangajwe na Jalas ku muyoboro wa YouTube yitwa Jalas Official, yavuze ko Igor Mabano amaze amezi arindwi atandukanye na Kina Music.

Si ibyo gusa yavuze, dore ko yahishuye nuko uyu muhanzi yashatse gutwara Nel Ngabo gusa ntibyaza gukunda.

Kugeza ubu amakuru ya ba nyirubwite aracyari mu bwiru nta wari wemeza ko batagikorana, tuzakomeza kubakurikiranira iyi nkuru kugeza ukuri kwa nyako kumenyekanye.