Kubwayo Mc croix
Ikipe y’igihugu y’u Rwanda, Amavubi, yahagurutse i Kigali kuri uyu wa Kane tariki ya 19 Ukuboza 2024, yerekeza i Juba muri Sudani y’Epfo aho igomba gukina umukino ubanza w’ijonjora rya kabiri mu gushaka itike y’igikombe cya Afurika cy’abakina imbere mu bihugu byabo, CHAN 2024.
Uyu mukino uteganyijwe ku Cyumweru tariki ya 22 Ukuboza 2024 muri Juba National Stadium, mu gihe uwo kwishyura uzaba kuwa Gatandatu tariki ya 28 Ukuboza 2024 muri Stade Amahoro i Kigali.
Urutonde rw’abakinnyi 24 bagiye guhagararira u Rwanda
Amavubi agiye mu rugamba rw’ingenzi n’abakinnyi 24 bahamagawe barimo abagiye basimbura abandi kubera impamvu z’imvune. Nshimiyimana Yunusu yasimbuye Emery Bayisenge utari bukine kubera imvune yagize. Abakinnyi bagize iyi delegation ni aba bakurikira:
1. Muhawenayo Gad
2. Hakizimana Adolphe
3. Habineza Fils François
4. Byiringiro Jean Gilbert
5. Serumogo Ali
6. Niyomugabo Claude
7. Bugingo Hakim
8. Nsabimana Aimable
9. Niyigena Clement
10. Nshimiyimana Yunusu
11. Buregeya Prince
12. Muhire Kevin
13. Ruboneka Bosco
14. Ngabonziza Pacifique
15. Niyibizi Ramadhan
16. Kanamugire Roger
17. Ntirushwa Aimé
18. Mugisha Gilbert
19. Iraguha Hadji
20. Tuyisenge Arsène
21. Harerimana Abdallahziz
22. Dushimimana Olivier
23. Nizeyimana Mubarakh
24. Mbonyumwami Taiba
25. Didier Mugisha
Abatoza bazabafasha muri uru rugendo
1. Jimmy Mulisa (Umutoza mukuru)
2. Habimana Sosthène (Umutoza wungirije)
3. Mugabo Alexis (Umutoza w’abanyezamu)
4. Mwambari Serge (Umutoza ushinzwe kongerera abakinnyi ingufu)
Iteganirizwa ry’urugendo
Amavubi azahaguruka ku isaha ya 10:50 za mu gitondo i Kigali, mu rugendo ruzamara amasaha asaga atandatu. Bazagenda mu nzira igizwe na:
Kigali – Addis Ababa
Addis Ababa – Juba
Mu gihe Amavubi yitegura uyu mukino ukomeye, Abanyarwanda benshi bategereje kureba niba iyi kipe izashobora kwitwara neza mu mukino ubanza ndetse no mu mukino wo kwishyura uzabera i Kigali. Intsinzi muri iri jonjora rya kabiri izaha u Rwanda amahirwe yo gukomeza mu mikino ya nyuma ya CHAN 2024.
