“Amateka azongera kwisubiramo” Bugesera FC yageneye ubutumwa Rayon Sports bafitanye umukino wo kwishyura mu gikombe cy’Amahoro

Ikipe ya Bugesera FC, ikomeje imyiteguro idasanzwe yitegura umukino ifitanye na Rayon Sports wo kwishyura mu gikombe cy’Amahoro.

Mu butumwa banyujije ku mbuga nkoranyambaga z’ikipe, bagize iti “Bavandimwe ba Rayon Sports, turabaramukije! Kuri uyu wa Kabiri tariki ya 23/04/2024 ni umunsi amateka azongera kwisubiramo nka tariki ya 27/3/2013 ubwo Bugesera FC yabasezereraga mu gikombe cy’Amahoro. Bakeramurimo muze muri benshi ejo muzararana ibyishimo.”

Umukino ubanza warangiye Bugesera FC itsinze Rayon Sports igitego 1-0.