Amarozi, ruswa, betting mu mupira w’u Rwanda! Nyuma yo kubona ko RIB yataye muri yombi abakekwaho uburiganya mu gutoranya abaziga muri Academy ya Bayern München, Sam Karenzi yahururije abasigaye

Kuri uyu wa Gatatu tariki 25 Ukwakira 2023, nibwo RIB yatangaje ko iri gukora iperereza ku bakoze uburiganya mu guhitamo abana bagiye mu irerero rya Bayern Munich mu Rwanda, hatabwa muri yombi batatu.

Umunyamakuru w’imikino, Sam Karenzi yahise avuga ko mu mupira w’amaguru hakirimo abandi bantu bakora ibyaha, asaba RIB ko yabakurikirana.

Yagize ati “RIB dufite ibyaha byinshi mu mupira mwadufasha guperereza; Ibiyobyabwenge,amarozi,ruswa,betting..

Naho imyaka y’abakinnyi ubwo bose murabafunga kuko ntamukinnyi utarayigabanyije! Ibya Bayern byakozwe nabi ibindi n’ukuyobya uburari.”