Amakuru mashya ku bijyanye n’ubukwe bw’umunyamakuru Uwimana Clarisse

Umunyamakurukazi Uwimana Clarisse yamaze gushyira hanze gahunda y’ubukwe bwe na Kwizera Festus Bertrand.

Mu mpera z’ukwezi gushize ni bwo Festus yasabye Clarisse ko yazamubera umugore undi na we arabyemera.

Abo bombi bahise bafata gahunda y’ubukwe aho banasohoye integuza bavuga ko buzaba tariki ya 3 Nzeri 2022.

Kugeza ubu tuvugana abo bombi bamaze no gusohora ubutumire (invitation) igaragaza gahunda yose n’aho buzabera.

Dore uko gahunda y’ubukwe ipanze

Biteganyijwe ko buzaba tariki ya 3 Nzeri 2022, saa 9h00’ hari umuhango wo gusaba no gukwa aho bizabera kuri Garden Heaven ku i Rebero.

Nyuma y’aho saa 14h bazasezerana muri Kiliziya Gatulikaumuhango uzabera muri Saint Famille.

Nyuma y’ibyo byose abatumiwe bazakirirwa Garden Heaven.

Uwimana Clarisse, ni umunyamakuru wa siporo ukunzwe mu Rwanda kandi unabimazemo igihe, yakoreye ibitangazamakuru bitandukanye birimo Contact FM, Flash FM, Vision FM ndetse na B&B FM.