Amakuru ashyushye: Zlatan Ibrahimovic ntakiri umukinnyi wa Manchester United

Rutahizamu w’ikipe ya Manchester United Zlatan Ibrahimovic, umunya suede w’imyaka 35, nyuma yo kwigurisha muri iyi kipe ubwo amasezerano ye yarangiye mu ikipe ya PSG, kurubu ntakiri umukinnyi w’ikipe ya Manchester United nkuko tubikesha ikinyamakuru Skysport.

Kuri iki gicamunsi nkuko iki kinyamakuru skysport kibitangaza, nibwo ubuyobozi bw’ikipe ya Manchester United bugomba kubitangaza kumugaragaro ko uyu munya suede uyimazemo umwaka umwe ataza umwe mu bakinnyi bazakoreshwa muri saison itaha. Nkuko iki kinyamakuru gikomeza kibitangaza kandi nuko ubuyobozi bw’ikipe ya Manchester butifuza kongerera uyu mukinnyi andi masezerano.

Ku ruhande rwa Jose Mourinho nyuma yo kubona ko Antoine Griezman ataza muri Atletico Madrid kurubu amaso ayahanze Alvaro Morata wa Real Madrid ndetse na Romelu Lukaku wa Everton. Iki cyemezo kikaba cyafashwe nyuma yo kubona ko uyu mukinnyi azakira imvune yagiriye muri Europa League atinze, bityo ikipe ikaba itabaho igendera kuri Marcus Rashford gusa.