Amakuru agezweho; Marcelo wubatse izina muri Real Madrid yasezeye ku mupira w’i Burayi

Marcelo Vieira da Silva Júnior yahisemo kujya gusoreza ruhago ye iwabo mu gihugu cya Brésil, nyuma yo guca mu makipe abiri gusa yo ku mugabane w’i Burayi.

Mu rukerera rwo kuri uyu wa Gatanu, nibwo ikipe ya Fluminense FC yemeje ko Marcelo ari umukinnyi mushya w’iyi kipe mu gihe cy’umwaka umwe w’imikino. Uyu myugariro w’ibumoso w’imyaka 34, yakiniraga ikipe ya Olympiacos yo mu Bugereki

Marcelo yagize ati “Aho naturutse.” Marcelo yageze muri Real Madrid mu 2007, ayivamo mu 2022. Kuva mu 2006 yatangiye guhamagarwa mu ikipe y’Igihugu ya Brésil kugeza mu 2018.

Mu 2014 yajyanye na Brésil mu gikombe cy’Isi no mu 2018 arahamagarwa ariko agira imvune yatumye adakina imikino ya ¼ cy’irangiza aho bagombaga gukina n’u Bubiligi yanabasezereye ibatsinze ibitego 2-1.

Ari kumwe na Real Madrid, yegukanye ibikombe bibiri bya Uefa Super Coupe, bibiri bya Uefa Champions League na kimwe cya Club World Cup.