Amagambo ikipe ya Liverpool imaze gutangaza ni incamugongo ku ikipe ya Fc Barcelona(yumve hano)

Ikipe ya Fc Barcelona nyuma yo kugurisha ku buryo butunguranye Neymar Jr mu ikipe ya PSG, ibibazo byose yagize niho byabereye, ndetse bikomeza kuba agatereranzamba igihe iyi kipe yaburaga uburyo bwo gusinyisha abakinnyi yifuzaga, byose bikomoka ku miyoborere itari myiza y’umugabo Josep Maria Bartomeu Floreta President w’iyi kipe. 

Inkuru izindukiye ku kinyamakuru Sky Sport iravuga ko ikipe ya Liverpool nyuma yo guhabwa Bid ya kane y’amafaranga Miliyoni 135 z’amapound ku musore Philippe Coutinho, ubuyobozi bw’ikipe ya Liverpool bwahise bwihutira mu bitangazamakuru kuvuga ko buyanze ndetse bubwira ikipe ya Fc Barcelona ko mu gihe bagikomeje kwiruka inyuma y’uyu musore bari guta umwanya wabo kuko ntaho azajya. Ibi bikaba bije bikurikira izindi bid 3 zose iyi kipe ya Fc Barcelona yahaye Liverpool ariko bikanga bikaba ibyubusa. Bikaba bigaragara ko uyu musore adateze kuva mu ikipe ya Liverpool muri iyi mpeshyi.