Geovanis
Ni ikibumbano cyagaragajwe kuri uyu mugoroba wo kuri uyu wa Gatatu, tariki ya 25 Ukwakira 2022, mu ngoro ya Grévin mu Bufaransa.
Iki kibumbano cyambaye ikoti ry’umukara n’ishati y’umukara idafite karuvati, amaboko mu mifuka. Cyamuritswe mu birori byitabiriwe na nyir’ubwite Zinedine ndetse n’umuryango we.
Uyu munyabigwi wagacishijeho yavuze ko ari ibintu by’igitanganza kubona yakorewe ikibumbano nk’icyo muri Grévin Museum
Yakomeje yishimira ibyo yakorewe n’akazi katoroshye kakozwe, asobanura ko ari ibyishimo bikomeye cyane kuba muri ibi birori yabonye umwanya wo kwishimana n’umuryango we.
Ati “Bigaragaza ko ahazaza hanjye hakomeje kandi ndabyishimiye. Ntabwo mpora mbona umwanya nk’uyu wo kuba turi kumwe, biragoye kubona Mama na Papa basohotse, rero ni ijoro ry’umunezero ahangaha ndi kumwe na bo n’inshuti.”
Nyuma yo kubona aya mafoto y’iki kibumbano, abagore benshi mu bufaransa batangiye kujya bapostinga kuri za status zabo ko bakifuje ko icyo kibumbano cyakabaye ariwe Zidane wakinnye umupira w’amaguru ndetse bagaruka no kuntu gusa neza kurusha nyiri ubwite.
