Kubwayo Mc croix
Amad Diallo umusore ukiri muto ukomoka muri Côte d’Ivoire, yashyize umukono ku masezerano mashya y’imyaka itanu n’igice (5½) akinira ikipe ya Manchester United, ashyize imbere intego yo kuba muri iyi kipe igihe kirekire. Nyuma yo kwerekana impano idasanzwe mu mwaka ushize w’imikino, Amad yagaragaje ko afite ikifuzo cyo gukomeza gukina muri Manchester United nkuko yitangarije ko yifuza gukinira Manchester United ubuzima bwe bwose.
Amad, w’imyaka 22, ni umwe mu bakinnyi bamaze guhindura isura y’iyi kipe mu myaka ishize. Yagaragaje ubushake n’ubwitange mu mikino yagiye akinira ikipe ya Manchester United ndetse no mu bindi bikorwa by’umupira w’amaguru. Uyu musore yashyize umukono ku masezerano afite intego yo gukora amateka muri Manchester United, anagaragaza ko yishimiye kuba agiye gukomeza kwitanga kugira ngo ashimishe abafana ba Manchester United.
Ibi byose byagaragaye mu gihe habura iminsi mike ngo uyu mukinnyi ashyire umukono ku masezerano y’akazi kandi atangire gukina ku rwego rwisumbuye. Amad yavuze ko yishimiye kuba agiye gukomeza urugendo rwe muri Manchester United, ndetse ko abona ejo hazaza he muri iyi kipe harimo ibintu byinshi byiza.
Mu by’ukuri, Amad Diallo amaze kwerekana ubushobozi bwe mu mikino myinshi ya shampiyona ya Premier League ndetse no mu mikino yakiniye ikipe ye y’Igihugu, aho yatsinze ibitego bitandukanye by’ingirakamaro.
Nyuma y’imyaka myinshi yatangiye gukina mu makipe nka Rangers na Sunderland, Amad yagarutse muri Manchester United kandi afite icyizere cyo gukomeza kuyibera igihangange
