Alvaro Morata yaba yarangije kuba umukinnyi wa Chelsea

Umusore w’imyaka 25 gusa wakuriye mw’ikipe ya Real Madrid ndetse akaba ari nayo akinira, yaba agiye kwongera kuyivamo nyuma y’uko umwaka ushize iyi kipe imugaruye aho yari yaramugurishije muri Juventus.

Alvaro Morata yagarutse i Madrid atazi ko azaba umusimbura bigeze aha kuko Muri Juve yari kizigenza ariko Karim Benzema yamubereye ibamba. Nyamara ibibazo birakiyongera kubera ko iyi kipe iri gushaka undi rutahizamu uri hejuru ya Benzema ubwe,harimo Robert Lewandowski,Sergio Aguero,Griezmann cyangwa se Aubameyang.

Ibitangazamakuru by’i Burayi biremeza ko Chelsea yaba yasahuriye mu nduru ndetse na Florentino Perez perezida wa Real Madrid akaba yemeye ko uyu musore ajya gusimbura Diego Costa biri kuvugwa ko yava muri The Blues.

Ubwumvikane bwaba buri hafi hagati ya Real Madrid na Chelsea nubwo igiciro kitarajya hanze ariko miliyoni 80 z’ama euro nizo Real ishaka guhabwa kuri uyu musore. Manchester United ndetse na Juventus nazo zikaba zishaka uyu rutahizamu.