Al Nassr na Cristiano Ronaldo bakomeje gutsikamira amakipe_ AMAFOTO

Ikipe ya Al Nassr isanzwe ikinwamo na Cristiano Ronaldo akanayibera kapiteni yaraye yongeye kwitwara neza mu mukino w’ umunsi wa 17 wa shampiyona y’ikiciro cya mbere muri Arabia Saudite.

Mu ijoro ry’ejo hashize Al Nassr ya Cristiano Ronaldo yari yagarutse mu kibuga gukina umukino w’umunsi wa 17 wa shampiyona y’ikiciro cya mbere muri Arabia Saudite.

Al Nassr na Cristiano Ronaldo baherukaga gutsinda ikipe ya Al_ Wehda ibitego bine ku busa byose byari byatsinzwe na Cristiano Ronaldo.
N’ejo hashize Al Nassr yongeye gutsinda ibitego bibiri kuri kimwe byatsinzwe na Abdul Rahman Ghareeb na Abdullah Madu bose bahawe imipira na Cristiano Ronaldo, mu gihe igitego rukumbi cya Al Teawoun cyatsinzwe na Alvaro Medran.

Iyo ntsinzi ya Al Nassr yatumye ihita ifata umwanya wa mbere ku rutonde rwa shampiyona n’amanota 40 mu mikino 17 , ikaba ikurikiwe na Al Ittihad na Al Shabab zose zifite amanota 40 ikinyuranyo kikaba ibitego zizigamye.