Akigera murugo iwe yahise avuga ikintu yakuye i Magererage! Ubutumwa bw’umunyamakuru Théogène wasabiwe kuva muri gereza akazajya akurikiranywa adafunzwe

Nyuma y’uko Urukiko Rwisumbuye rwa Nyarugenge rutegetse ko umunyamakuru Manirakiza Theogene afungurwa by’agateganyo akazajya yitaba buri wa Gatanu wa nyuma w’ukwezi, akigera iwe yahise atanga ubutumwa.

Abinyujije ku rukuta rwe rwa X, Théogène yagize ati “Nari naragiye kwiga kandi amasomo nize ni menshi meza! Ninyabasangiza muzishima, meze neza kandi ndashimira mwese mwanyeretse urukundo ruhambaye, ineza n’ubuntu bwanyu byangezeho ndanyurwa! Ndaje, ndakomeye kurenza uko nari mbere! Ndasubira mu kazi vuba kandi tuzagirana ibihe byiza!”

Manirakiza Theogene akurikiranyweho icyaha cyo gukoresha ibikangisho. Niwe washinze ikinyamakuru Ukwezi kinafite shene ya YouTube.