Ak’ibisambo kashobotse: Umujura wari uvuye kwiba saa munani z’ijoro yarashwe mu cyico

Umusore ukekwaho icyaha cy’ubujura yarashwe mu cyico nyuma yo kuva kwiba mu rukerera rwo kuri uyu wa mbere.

Uyu musore uwarashwe ari mu kigero cy’imyaka 28 y’amavuko akaba yaketsweho ubujura bigatuma araswa ndetse akahasiga n’ubuzima.

Ibi byabereye mu Kagari ka Rwambogo, Umudugudu wa Gakoro mu Murenge wa Musanze.

Byabaye ahagana saa munani n’igice (02h30 a.m) ubwo Polisi yabonaga ibisambo bitatu byahise byiruka umwe araraswa ahita apfa babiri baratoroka.

Umuyobozi w’Akagari ka Rwambogo Umutoni Irakoze Sandra yabwiye UMUSEKE dukesha iyi nkuru ko uwarashwe umurambo we ugikorwaho iperereza na RIB kugira ngo hamenyekane ibirenzeho.