Kubwayo Mc croix
João Félix, rutahizamu ukomoka muri Portugal, amaze igihe ashyirwa mu majwi mu y’imikino, cyane cyane mu makuru ajyanye no Ku gurishwa mu yindi kipe. Uyu mukinnyi wakiniraga FC Barcelona ku ntizanyo mu gice cya kabiri cya shampiyona ya 2023-2024, ubu yongeye gusubira muri Atlético Madrid. Nubwo Félix yagarutse muri Atlético, byaravuzwe ko atishimiye kuguma muri iyi kipe, bityo bikaba bikomeje gutera urujijo mu bakunzi b’umupira w’amaguru.
Amakuru avuga ko amakipe menshi yo ku mugabane w’u Burayi arimo arashaka kumusinyisha, ariko kugeza ubu nta makuru yizewe avuga ko Félix ashobora kwerekeza muri Aston Villa. Aston Villa, ikipe ikomeye mu Bwongereza, nayo iri gushaka kongera imbaraga mu busatirizi bwayo, ariko ntiharamenyekana niba Félix yaba ari ku rutonde rw’abakinnyi bifuza.
Mu gihe hagikomeje kuvugwa byinshi kuri iyi nkuru, abakunzi ba Atlético Madrid na Aston Villa bategereje amatsiko umwanzuro uzafatwa. Birashoboka ko mu minsi iri imbere hazagaragara impinduka zikomeye ku bijyanye n’ahazaza ha João Félix, kandi abakunzi b’umupira w’amaguru bazakomeza gukurikirana iby’iyi nkuru kugeza igihe izasobanuka neza.
