Aha ni mu Rwanda ntabwo ari mu Bufaransa! Imirimo yo kubaka hoteli ‘Château le Marara’ ifite umwihariko w’iz’i Burayi iri mu nkengero z’ikiyaga cya Kivu igiye kugera ku musozo (AMAFOTO)

Mu nkengero z’ikiyaga cya Kivu, mu karere ka Karongi mu murenge wa Bwishyura ho mu kagari ka Kibuye, hagiye kuzura hoteli ya ‘Château le Marara’ ifite umwihariko w’iz’i Burayi, ikaba ari yo ya mbere mu ziteye gutyo ku butaka bw’u Rwanda.

Iyi hoteli biteganyijwe ko izuzura mu mpera z’uyu mwaka, ikaba ifite ibyumba 23 birimo iby’abanyacyubahiro, ahantu hisanzuye ho kuganirira, icyumba cyihariye cya nyirayo n’ahantu ashobora kuganirira n’abashyitsi be.

Iyi hoteli ni nayo yafatiwemo amashusho y’indirombo ‘Fou De Toi’ ya Element Eleeh, Ross Kana na Bruce Melodie.