Agahinda: Undi mukinnyi ukomeye w’umupira w’amaguru yapfiriye mu kibuga mu mukino hagati

Mu mupira w’amaguru muri iyi myaka tugezemo, impanuka zitera urupfu mu mukino hagati zafatiwe ibyemezo bikomeye kugeza naho umukinnyi wagaragaje akarwara gato cyane atakemererwa gukandagira mu kibuga, gusa ibyo byose ntibyabujije umunyezamu w’umunya Indonesia Choirul Huda kwitaba Imana mu mukino hagati.

Nkuko tubikesha ikinyamakuru The times, mu mukino waraye uhuje ikipe ya Persela Lamongan n’ikipe ya Perseru serui yo muri kiriya gihugu, nyezamu Huda yaje kugongana n’abakinnyi bagenzi be ku mupira wa koruneri warutewe, yikubita hasi ahita agira ikibazo cy’ijosi n’ubuhumekero byahise bimuviramo urupfu nyuma y’iminota 10 ari guhabwa ubutabazi bw’ibanze. Imana imuhe iruhuko ridashira.