Afite uruvugiro! Rutahizamu Victor Mbaoma usigaye ari inshuti n’abafana ba APR FC yatangaje amagambo amuri ku mutima nyuma yo gutsinda Mukura VS

Rutahizamu wa APR FC, Victor Mbaoma, yashimiye Imana nyuma yo guhesha ikipe ye intsinzi ku munota wa nyuma w’umukino w’Umunsi wa Karindwi wa Shampiyona yahuyemo na Mukura VS ku wa Gatanu.

Mbaoma yagize ati “Ndumva nishimye cyane, byanshimishije cyane guhesha ikipe yanjye amanota atatu. Ndashima Imana kuko niyo yatumye biba.”

Victor Mbaoma yavuze aya magambo nyuma yo gufasha APR FC ku gitego yatsinze Mukura VS cyatumye ifata umwanya wa Mbere.