Adaciye ku ruhande! Umuzamu Hategekimana Bonheur yavuze acyatumye atukana n’umutoza we

Umunyezamu wa Rayon Sports, Hategekimana Bonheur yavuze ko icyamuteye gusubiza umutoza we wari umututse.

Yavuze ko ari igitutu cyinshi yari afite, gusa ahamya ko ubu ikibazo cyarangiye bamubabariye.

Byabaye ku mukino ufungura shampiyona ya 2023-24 ubwo Rayon Sports yatsindaga Gasogi United 2-1 mu mukino wabaye tariki ya 18 Kanama 2023.

Ku bijyanye no kuba Yemen Zelfani atakimukinisha, Bonheur avuga ko bitaturutse ku bitutsi batukanye.

Ati “Siko mbikeka kuko ikosa ryabaye ryabaye nyuma y’umukino ntabwo ari mu mukino, ryabaye nabwo kubera igitutu wenda cyanjye n’umutoza wanturishije ariko kugenzura amarangamutima yanjye birananira muri ako kanya, ariko ndakeka ko biriya byose byabaye muri kiriya cyumweru cy’umukino wa Gorilla FC twabiganiriyeho, twafashe umwanya turaganira njyewe n’umutoza.”

“Yarambwiye ngo ugomba kujya unyubaha nk’umutoza niyo nakora ibirenze biriya, ukemera icyemezo cyanjye, niba nkubwiye ngo kora ibi ukabikora nta kindi urengejeho wenda nyuma nk’abantu tukaza kuganira, twaravuganye nsaba n’imbabazi muri rusange mwarabibonye, ibyo natangaje ntabwo ari ibintu nari nateguye.”