Moïse Habanabashaka
Abo mu muryango we amarira n’agahinda ni byose:Uko byagenze kugira ngo Umusifuzi akubitwe n’inkuba ari mu kibuga rwa gati ahite yuma
Umusifuzi uzwi ku izina rya Mustapha Bello yishwe n’inkuba mu mukino wa gicuti w’umupira w’amaguru wabereye mu mujyi wa Madalla, muri Leta ya Niger ho muri Nigeria.
Uyu nyakwigendera uzwi cyane ku izina rya Mustafa Coach 02 mu bakunzi b’umupira w’amaguru, akaba n’umwe mu bagize ishyirahamwe ry’umupira w’amaguru muri Nijeriya (NFA) yahuye n’iherezo rye ribi ku mugoroba wo ku wa kabiri, tariki ya 13 Kamena 2023, ubwo umukino waberaga mu kibuga cy’amashuri abanza.
Uwabyiboneye, Muhammed Musa, yabihamirije ikinyamakuru Daily Trust dukesha aya makuru , yavuze ko umukino abasore ba Suleja na Madalla bakinaga, umukino ugeze mu gice cya kabiri imvura iragwa.
Ati: “Imvura yagwaga kandi abakinnyi bose hamwe n’abafana bahise bajya mu byumba by’ishuri. Umusifuzi ari kumwe n’undi mu genzi we (umusifuzi wo ku ruhande) bihutiye gusubira mu kibuga, basaba abakinnyi kugaruka mu kibuga bagakina.
“Bari hagati mu kibuga inkuba yahise ikubita Babiri muri bo bahise bajyanwa mu bitaro, gusa byaje kwemerwa ko umusifuzi yapfuye akihagera mu gihe uwo bafatanyaga we yahavuye ari muzima”
Musitaff Bello yashyinguwe mu gitondo cyo ku wa gatatu mu mujyi wa Suleja yari atuyemo.
