Abo gas yaturikanye mu nzu bakarokoka bari ku nkeke bashyirwaho na nyirinzu ushaka ko bishyura inzu ye batwitse 

Kuri uyu wa kabiri tariki ya 21 Gashyantare 2023, Nibwo mu kagari ka Bukomane mu mumudugudu wa Gakiri Gas yaturikanye abasore batatu inakomeretsa bikomeye umwana wari waje kubasura.

Iri turika rya Gas ryabaye ubwo umwe muri aba basore yarateretseho inkono noneho mu gihe yari aryamye ashiduka inzu yafashwe n’inkongi yari yamaze gukwirakwizamo imyotsi.

Akibibona nta kindi yakoze uretse guhita ahungisha umwana akamusohora mu nzu cyane ko nta kindi kintu yabonaga cyari kurokorwa.

Kubwo amahirwe barinze basohoka ntawe ihitanye nubwo bimwe mu bikoresho birimo matera ebyiri n’ibindi byari byamaze gukongorwa n’iyo nkongi kimwe n’inzu byari birimo yari yamaze kuba umuyonga.

Nyiri iyi nzu yaturikiyemo gas igakongoka yatangaje ko atakwemerera aba basore kugenda batamusubije inzu ye nkuko yari imeze ,mbere yuko iturikiramo Gas.

Yakomeje asobanura ko nubwo batari babanye nabi mu gihe kingana n’amezi atandatu ataviramaho kuko ibi byose byabaye byatewe na gaz yabo.